അങ്ങനെയെങ്കിൽ കുട്ടിയെ കിട്ടാൻ കർണ്ണാടക ഹൈക്കോടതിയിൽ ഹേബിയസ്‌ ഫയൽ ചെയ്യണം. കുട്ടി കൂടെ വരും എന്ന് പറഞ്ഞാൽ കൂടെ കൊണ്ടുവരണം. അതാണ്‌ ആവശ്യം. സീനിയറിനോട്‌ കാര്യങ്ങൾ ചോദിച്ചിട്ട്‌ പറയാമെന്ന് പറഞ്ഞു. സീനിയറിനോട്‌ ചോദിച്ചപ്പോൾ ഫീസ്‌ ഒരു ലക്ഷം!! ഹേബിയസ്‌ ഫയൽ ചെയ്താൽ 15-20 ദിവസമെങ്കിലുമെടുക്കും ഇപ്പോഴത്തെ സാഹചര്യത്തിൽ ഫയൽ കോടതിയിൽ വിളിക്കാൻ. അതിനും മുൻപ്‌ പോലീസിൽ പരാതി കൊടുക്കണം പോലും! പൂർത്തിയായി. അതോടുകൂടി ആ ക്ഡാവിന്റെ കാര്യത്തിലൊരു തീരുമാനമാകും. ഇനിയിപ്പോ ഫയൽ വേഗം വിളിച്ചാൽ തന്നെ ക്ഡാവ്‌ ഇവന്റെ കൂടെ പോരുമെന്ന് വല്ല ഉറപ്പുമുണ്ടോ? അതുമില്ല.
പയ്യന്റെ ആവശ്യം കേട്ടതേ ഞാൻ പറഞ്ഞു "പൊന്നു ചങ്ങാതീ... ഒരുലക്ഷമൊക്കെ കൊടുത്ത്‌ കേസിന്‌ പോയാൽ ക്ഡാവ്‌ വരുമെന്ന് വല്ല ഉറപ്പുമുണ്ടോ? വന്നില്ലേൽ ടീം ഗൗഡകളാണ്‌. വെട്ടിത്തുണ്ടമാക്കും. നീ ആലോചിക്ക്‌. കടുക്കനിട്ടവൻ പോയാൽ കമ്മലിട്ടവൻ വരുമെന്നല്ലേ? ആ ഒരു ലക്ഷം കൊണ്ട്‌ എത്ര ബിരിയാണി കഴിക്കാം!!"
പയ്യൻ കൺഫ്യൂസ്ഡായി! ഞാനൊന്നുകൂടി ചോദിച്ച്‌ നോക്കിയിട്ട്‌ വരാം മാഡം എന്നും പറഞ്ഞ്‌ അവൻ പോയി. പിന്നെ കുറേ നാളേയ്ക്ക്‌ നിശ്ശബ്ദത. ഇടയ്ക്ക്‌ ഞാനൊന്ന് അങ്ങോട്ട്‌ വിളിച്ചു നോക്കി. നമുക്ക്‌ ക്ലയന്റാണല്ലോ. കൈവിട്ട്‌ പോയോ എന്നൊന്നറിയണമല്ലോ..! അന്നേരം ഇതുവരെ മറുപടി കിട്ടിയില്ല എന്നവൻ. ഒരു തേപ്പ്‌ മണക്കുന്നല്ലോാന്ന് ഞാൻ. സാരല്യ പോയാൽ പോകട്ടും. ആദ്യത്തെ ആകുമ്പോഴേ വിഷമമാകൂ, പിന്നെ പിന്നെ ശീലമാകും എന്ന് ഞാൻ ആശ്വസിപ്പിച്ച്‌ ഫോൺ വെച്ചു.
(തുടരും)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ